Novak Djokovic don win e sixth Wimbledon title to equal Roger Federer and Rafael Nadal record of 20 men’s Grand Slam victories afta e fight back to beat Matteo Berrettini of Italy.
Di 34-year-old Serb win 6-7 (4-7) 6-4 6-4 6-3 in front of passionate and gingered 15,000 crowd on Centre Court.
Seventh seed Berrettini, 25, receive loud backing but no fit maintain e advantage for im first major final.
Top seed Djokovic now don win all three Grand Slam men’s titles for 2021.
“To win Wimbledon don always be di biggest dream for me since wen I be pikin,” na so di world number one, wey drop one set for only di second time for di SW19 fortnight.
“A seven-year-old boy for Serbia constructing a Wimbledon trophy with improvised materials and to stand here with a sixth real trophy dey incredible. It is amazing.”
Afta im don already win Australian Open and French Open, Djokovic na di fifth man in history – and only di second for di Open era afta Rod Laver for 1969 – to win di first three majors of di season.
And as Djokovic don retain im crown for di All England Club, im don move one step closer to become di second player to achieve ‘Golden Slam’.
Only Steffi Graf from Germany for 1988 don ever win all four majors and di Olympics for one calendar year.